|
brano di Giuseppe Marinetti
‘A Villa comunale
‘A villa comunale anticamente
apparteneva ‘o padrone d’ ‘o castiello
che ‘a buon signore ‘e l’ottuciento
ccà veneva a piglià l’ispirazione
pe mettere ati tasse ncuoll’ ‘a gente.
Nu juorno finalmente, che sorpresa!
addeventaie bene d’ ‘a comunità,
è stato sempre ‘o pulmone d’ ‘o paese
l’uneco spazio pe nce arrifriscà.
Quanta corze, quanta sudate…
ricorde ‘e fanciullezza, ‘e giuventù
purtammo ‘nt’ ‘o core cunzervate!
Sti piante antiche e belle sanno
‘e fatte ‘e chi nun ce sta cchiù.
Storie doce, triste e appassiunate
portano ‘e ricorde ‘e tanti nnammurate,
d’ammore furtunate e sfurtunate
‘e n’ epoca ‘e rispetto e devuzione:
quanno se credeva ‘o primm’ammore.
(Giuseppe Marinetti, "Paese mio")
copyright: http://angri.interfree.it
|
